نورالدّین افندی ابن عکّاش علیه بهآء اللّه
سوگلی یار عزیزم قریحۀ موهبت صریحۀ عاشقانه‌لرندن صدور ایدن اشعار آبدار شایان تقدیر بر نظم بی‌نظیر ایدی فصاحتچه بلاغتچه حلاوتچه ممتاز و مستثنی اولدیغی واضح و آشکاردر قرائت ایدنلره بر فرح روحانی و نشئۀ ربّانیّه حاصل اولمقده‌در علم و عرفان نور ایمان عشق رحمان وجدانده برلشنجه گوگلدن نبعان ایدن مضامین البتّه شیرین و معانی رنگین اولور ربّم سنی مؤیّد و موفّق ایلسون آمین ع ع